Prestik-ek enplegu poltsa bat ireki du 50 enpresatako 150 lanbide-profiletarako

ENPLEGUA, GIZARTE INKLUSIOA ETA BERDINTASUNA SUSTATZEKO SAILA

Enplegu poltsa hori abenduaren 3ra arte egongo da zabalik.

Laespada: “Prestik azokan enpleguaren alde elkartuko dira herritarrak eta inplikatutako agenteak”

Hainbat sektoretako Bizkaiko berrogeita hamar bat enpresak gaurtik aurrera euren enplegu poltsak zabalik edukiko dituzte 150 lanbide-profiletarako, PRESTIK 2018 enplegu eta ekintzailetza azoka dela eta.

Lanbide Heziketako Bizkaiko mila ikaslek izena eman dute PRESTIK 2018 enplegurako tailerrean

LHko 1000 ikasle inguru izan dira enpleguaren eta ekintzailetzaren PRESTIK 2018 azokako “Enpleguaren Tourra” ekimenean parte hartzeko izena eman dutenak. Azoka Bilboko Euskalduna Jauregian egingo da abenduaren 12an eta 13an.

Helburua, 4 espazio edo ‘txokotan’, enpleguaren bilaketa-prozesua ahalik eta eragingarriena izatea lortzeko ikasle horiek eman behar dituzten urratsak gidatzea da.

PRESTIK 2018k Europa eta Asiarantz begiratzen du enplegu, ekintzailetza eta prestakuntzaren arloan

PRESTIK 2018 enplegu- eta ekintzailetza-azokak nazioarteko enpleguari buruzko zenbait jardunaldi izango ditu Europan eta Asian enpresa, unibertsitate eta politikaren munduan diharduten profesional eta ordezkariekin.

Jardunaldien helburua bi kontinenteetan enplegu-, ekintzailetza- eta prestakuntza-aukerak aditzera ematea da, networking- eta eztabaida-gunea eskaintzeaz gain. Nolanahi ere, horretan Bizkaian beren ikasketak gauzatzen ari diren Erasmus ikasleek ideiak eta proposamenak azalduko dituzte.

Bakarrizketa lehiaketa Enplegu

DEMA Enplegu eta Ekintzailetza Foru Agentzia Bizkaiko Foru Aldundiko Enplegua, Gizarteratzea eta Berdintasuna Sustatzeko Sailaren mendekoa da eta berak antolatzen du lehiaketa hau, umorez bakarrizketetan sormena eta antzezpena sustatzeko.

Berdintasunaren aldeko konpromisoa

Euskalduna Jauregian aldi berean egingo diren Ekintzailetza Aretoak nahiz Prestik Enplegu Azokak berdintasunaren aldeko apustu sendoa egin nahi dute enpleguan. Horregatik, bi ekitaldiek, beren programazioetan, berdintasun hori benetan lortzea eta Bizkaiko etorkizunaren alde egitea hedatzeko, lantzeko eta eztabaidatzeko jarduerak, hitzaldiak eta tailerrak eskainiko dituzte. Tartean dauden eragileen eta herritarren arteko topagunea izango da, eta horren bitartez, Bizkaiko enpleguaren eta ekintzailetzaren gaur egungo egoerari buruzko ezagutza sortuko eta hedatuko da. Hain zuzen ere, topagune horretatik ia 10.000 bisitari igarotzen dira edizio bakoitzean.

Eman izena azokan!

Prestik 2018 enplegu azokarako sarrera doakoa da. BAINA, programazioaren antolaketarako eta leku arazorik egon ez dadin, jardunaldi teknikoetan parte hartzeko ezinbestekoa da aurretik izena ematea.

PRESTIK 2018


CC DEMA - Enpresa garapena 2018

Harremanetarrako - Contacto

#PRESTIK18